ترکیہ کے صدر رجب طیب اردوان کا آئندہ ماہ دورہ پاکستان کا امکان ہے، سفارتی ذرائع کے مطابق ترکیہ کے صدر کا دورہ اگست کے پہلے ہفتے میں متوقع ہے۔
سفارتی ذرائع کا کہنا ہے کہ دورہ پاکستان میں ترکیہ صدر کے ہمراہ ایک وفد بھی پاکستان پہنچے گا، ترکیہ کے وزیر خارجہ بھی ہمراہ ہوں گے جو وزیر خارجہ بلاول بھٹو سے ملاقات کریں گے۔
سفارتی ذرائع کے مطابق ترکیہ کے صدرکی وزیر اعظم شہباز شریف سے بھی ملاقات ہو گی، پاکستان اور ترکیہ میں دفاعی تعاون کی مفاہمتی یاداشتوں پر دستخط کیے جائیں گے۔
ترکیہ کے صدر کے ساتھ آنے والے وفد میں ترکیہ بحریہ کے اعلیٰ حکام بھی شریک ہوں گے، صدر طیب اردوان پاکستانی حکام سے ملاقاتیں بھی کریں گے۔