وزیر اعظم شہباز شریف نے بجٹ سے قبل عوام سے دعا کی اپیل کر دی۔
اپنے پیغام میں انہوں نے کہا کہ دعا کریں کہ عوام کے لیے اچھا بجٹ دے سکیں ۔
دوسری جانب وزیراطلاعات مریم اورنگزیب نے کہا ہے کہ بجٹ میں سرکاری ملازمین اور نوجوانوں کے لیے خوش خبری ہے۔
انہوں نے کہا کہ قوم دیکھے گی کہ کس طرح معاشی وژن ہوتا ہے، بدحالی کا سفر کس طرح خوشحالی میں تبدیل ہوتا ہے، یہ قوم دیکھے گی۔
ان کا کہنا تھا کہ معیشت کی ترقی پر حملہ آور ہونے کی کوشش کی گئی لیکن ناکامی ہوئی۔