صدر پاکستان عارف علوی نے جسٹس اقبال حمید الرحمان کی بطور چیف جسٹس فیڈرل شریعت کورٹ تعیناتی کی منظوری دے دی۔
جوڈیشل کمیشن نے 15 مئی کو اقبال حمیدالرحمان کو چیف جسٹس وفاقی شریعت کورٹ بنانے کی منظوری دی تھی، اور اب صدر مملکت عارف علوی نے بھی ان کی تعیناتی کی منظوری دے دی ہے۔
صدر مملکت نے اقبال حمیدالرحمان کی بظور چیف جسٹس فیڈرل شریعت کورٹ تعیناتی کی منظوری آئین کے آرٹیکل 175اے 13 کے تحت دی ہے، اس حوالے سے وزارت قانون و انصاف نے باضابطہ نوٹیفکیشن بھی جاری کر دیا ہے۔
جسٹس اقبال حمید الرحمان سپریم کورٹ آف پاکستان کے سابق جج ہیں، اور انہیں اب 3 سال کے لئے چیف جسٹس فیڈرل شریعت کورٹ تعینات کیا گیا ہے۔