چیئرمین تحریک انصاف عمران خان کی گرفتاری کیخلاف مختلف شہروں میں کارکنوں کی جانب سے احتجاج شروع ہوگیا۔
کراچی میں عمران خان کی گرفتاری کےخلاف تحریک انصاف کاشارع فیصل پراحتجاج جاری ہے۔ تحریک انصاف کے کارکنوں نے شارع فیصل کے دونوں ٹریک بند کردیئے۔ تحریک انصاف کے اراکین اسمبلی بھی احتجاج میں شریک ہیں۔
دوسری جانب اسلام آباد میں اسلام آباد پولیس نے چیئرمین تحریک انصاف عمران خان کی گرفتاری کیخلاف احتجاج کرنے والے تحریک انصاف کے کارکنوں کیخلاف کریک ڈاؤن شروع کردیا۔
کارکنان نے عمران خان کی گرفتاری کے بعد ہائی وے بلاک کردی تھی، سری نگر ہائی وے بلاک کرنے پر 20 سے قریب کارکنان گرفتار کرلیا گیا۔
خیال رہے کہ آج نیب نے القادر ٹرسٹ کیس میں چیئرمین تحریک انصاف عمران خان کو اسلام آبادہائیکورٹ کے احاطے سے گرفتار کرلیا۔ چیئرمین تحریک انصاف عمران خان کو اسلام آباد ہائیکورٹ کے احاطے سے گرفتاری کے بعد نیب ریجنل آفس راولپنڈی منقل کردیا گیا۔
عمران خان کی گرفتاری کے بعد نیب ریجنل آفس راولپنڈی کے باہر سیکیورٹی کے سخت انتظامات کردیے گئے۔پولیس نے نیب آفس آنے والے راستے ٹریفک کیلئے بند کردیے۔ نیب ریجنل آفس کے باہر اینٹی رائٹس فورس کے دستے پہنچ گئے۔