اسلام آباد: جعلی اکاؤنٹس کیس میں زیرحراست سابق صدر آصف زرداری کو اسپتال منتقل کرنے کا فيصلہ کرليا گيا ہے۔
جعلی اکاؤنٹس کیس میں زیرحراست سابق صدر اور پیپلزپارٹی کے شریک چیئرمین آصف زرداری کو اسپتال منتقل کرنے کا فیصلہ کرليا گيا ہے جس کے بعد انہیں کل پمز اسپتال اسلام آباد منتقل کردیا جائے گا۔
ذرائع کا کہنا ہے کہ سابق صدر کو ميڈيکل بورڈ کی سفارش پر پمز منتقل کيا جا رہا ہے، ميڈيکل بورڈ نے گزشتہ ہفتے آصف زرداری کو اسپتال منتقل کرنے کی سفارش کی تھی، ميڈيکل بورڈ کی سفارشات کو وزارت داخلہ کو بجھوايا گيا تھا، جس کے بعد سابق صدر کو اسپتال منتقل کرنے کا فيصلہ کيا گيا۔