اسلام آباد۔سرکاری حج سکیم کے تحت عازمین حج کو حجازمقدس پہنچانے کیلئے قبل ازحج پروازیں 4 جولائی سے شروع ہوں گی۔ وزارت مذہبی امورکے حکام کے مطابق پروازوں کا نظام الاوقات وزارت کی ویب سائیٹ پر بھی درج کیا گیاہے اورمتعلقہ عازمین کو ایس ایم ایس کے ذریعے آگاہی فراہم کی گئی ہے۔سرکاری حج سکیم کے تحت جانے والے عازمین کو پی آئی اے، سعودی ایئرلائنز اورایئربلیو کے ذریعے سعودی عرب پہنچایا جائے گا۔
عازمین حج کو پرواز سے دو روز قبل متعلقہ مدینہ الحجاج میں رپورٹ کرنے اورٹکٹ اورادوایات کی سیل پیک وصول کرنے کی ہدایت کی گئی ہے۔ہرعازم حج کو 30 کلو تک وزنی سامان ساتھ لے جانے کی اجازت ہوگی۔