پاکستان مذہبی آزادی کیلئے مزید اقدامات کرے، مائیک پومیو

واشنگٹن۔امریکی وزیر خارجہ مائیک پومپیو نے پاکستانی حکومت سے مطالبہ کرتے ہوئے کہا ہے کہ پاکستان ملک میں مذہبی آزادی کے سلسلے میں مزید اقدامات کیے جائیں اور اس معاملے پر تحفظات دور کرنے کے لیے مندوب مقرر کیا جائے۔

 یہ بات مذہبی آزادی سے متعلق عالمی رپورٹ جاری کرتے ہوئے کہی۔ امریکی وزیر خارجہ کہ کہنا تھا کہ مذہبی گستاخی کے غلط استعمال کو روکا جانا چاہیے، 40 سے زائد افراد کو اس جرم میں عمر قید یا سزائے موت کا سامنا ہے۔انہوں نے کہا کہ امریکا اس بات پر زور دیتا رہے گا کہ ان افراد کو رہا کیا جائے اور مذہبی آزادی سے متعلق تحفظات دور کرنے کے لیے مندوب کا تقرر کیا جائے۔

مائیک پومپیو کی جانب سے جاری کی گئی رپورٹ میں کہا گیا ہے کہ 2011ء  سے اب تک سعودی عرب میں ایک ہزار سے زائد افراد کو مظاہرے کرنے یا لوگوں کو اس جانب راغب کرنے کے الزام میں گرفتار کیا گیا ہے۔پومپیو نے مذہبی آزادی کے معاملیپر ایران اور چین کو بھی تنقید کا نشانہ بنایا۔