اسلام آباد. سعودی ولی عہد سے ملاقات کے لیے مسلم لیگ (ن)کی قیادت بھی سرگرم ہو گئی اپوزیشن لیڈر شہباز شریف نے سعودی ولی عہد محمد بن سلمان سے ملاقات کی خواہش کا اظہار کیا ہے۔ مسلم لیگ(ن)کے رہنماں نے مشترکہ دوستوں کے ذریعے سعودی ولی عہد اور شہباز شریف کی ملاقات طے کرنے کی کوششیں شروع کر دی ہیں۔
سعودی ولی عہد شہزادہ محمد بن سلمان 16 سے17 فروری کو پاکستان کا دورہ کر رہے ہیں۔ میڈیا رپوٹس کے مطابقسعودی شہزادے کے پہلے دورہ پاکستان کے لیے جہاں حکومتی تیاریاں عروج پر ہیں تو وہیں مسلم لیگ(ن)کے صدر شہبازشریف کی ملاقات کے لیے لیگی قیادت نے بھی سر جوڑ لیے ہیں۔(ن) لیگ کے سینئر رہنماں، سینٹرز اور سابق سفارت کاروں کی جانب سے اپوزیشن لیڈر شہبازشریف کی ملاقات کے لیے سر توڑ کوششیں اور بیک ڈور رابطیجاری ہیں اور اس سلسلے میں سعودی سفارت خانے سے خصوصی رابطے بھی ہوئے ہیں۔
ذرائع کے مطابق تاحال شہبازشریف اور ولی عہد کی ملاقات کے حوالے سے سرکاری سطح پر کوئی پیش رفت نہیں ہوسکی، سنجیدہ حلقوں کا کہنا ہے کہ جہاں ملکی معاشی صورتحال میں سعودی ولی عہد کا دورہ انتہائی اہمیت کا حامل ہے وہیں ان کی پاکستان میں موجودگی کے دوران سیاسی اتار چڑھا بھی آسکتے ہیں۔سعودی عرب کا ماضی میں پاکستان کی سیاست میں کردار رہا ہے سابق بادشاہ شاہ عبداللہ کے سابق وزیر اعظم نواز شریف سے خصوصی مراسم تھے یہی وجہ ہے کہ سعودی ولی عہد کا دورہ نہایت اہمیت کا حامل قرار دیا جا رہا ہے۔