55 سالہ خاتون نے 2 ارب روپے بطور تحفہ دے کر 25 سالہ شخص سے شادی کرلی

بیجنگ: چین کی 55 سالہ امیر خاتون یو وین ہونگ نے 25 سالہ شخص سے شادی کر لی اور اسے 5 کروڑ یوآن (2 ارب پاکستانی روپے سے زائد) مالیت کے تحفے دیے، جن میں نقد رقم، جائیداد اور لگژری گاڑیاں شامل ہیں۔

یو وین ہونگ کا تعلق ایک متوسط گھرانے سے تھا۔ والد کے انتقال کے بعد، 18 سال کی عمر میں انہوں نے بیوٹی انڈسٹری میں کام شروع کیا تاکہ گھر والوں کی مدد کر سکیں۔ بعد ازاں انہوں نے اپنا بیوٹی سیلون کھولا اور 2004 میں ہانگ کانگ میں اپنا کاروباری ادارہ قائم کیا۔ انہوں نے اپنی کاروباری سلطنت بنانے میں کامیابی حاصل کی۔

رپورٹس کے مطابق، یو وین ہونگ نے 45 سال کی عمر میں ایک جوان ماڈل سے محبت کی، اور اب انہوں نے ایک اور 25 سالہ شخص سے شادی کی، جو ماضی میں ان کی کمپنی کے لیے ماڈل کے طور پر کام کر چکا تھا۔ دونوں کی ملاقات 2025 کی دوسری ششماہی میں ہوئی۔

یو وین ہونگ کی جانب سے اس شخص کو مہنگے تحائف دیے جاتے رہے ہیں، جن میں مرسیڈیز گاڑیاں بھی شامل ہیں۔ دونوں نے مارچ 2025 میں شادی کی، اور شادی کے موقع پر یو وین ہونگ نے اسے 5 کروڑ یوآن مالیت کے اثاثے بطور تحفہ دیے۔