8 سال تک حلق میں چوپ اسٹک رکھنے والا شخص

چین کے صوبے لیاؤننگ سے تعلق رکھنے والے شخص وانگ کی کہانی انٹرنیٹ پر وائرل ہو گئی ہے۔ وانگ نے کھانے کے دوران حادثاتی طور پر 12 سینٹی میٹر لمبی چوپ اسٹک نگل لی تھی، جس کے بعد وہ 8 سال تک اسے حلق میں رکھنے پر مجبور رہا کیونکہ اسے آپریشن سے خوف تھا۔

ابتدائی طور پر وانگ کو سانس لینے میں کوئی مسئلہ نہیں ہوا، مگر کھانے کے دوران تکلیف کا سامنا رہتا تھا۔ اسپتال میں ڈاکٹرز نے مشورہ دیا کہ حلق کے ایک حصے کو کاٹ کر چوپ اسٹک نکالی جا سکتی ہے، مگر وانگ نے آپریشن سے انکار کر دیا اور طے کیا کہ اسے حلق میں ہی رہنے دیا جائے۔

آخری چند ماہ میں تکلیف بڑھنے کے بعد وانگ نے دوبارہ اسپتال جانے کا فیصلہ کیا۔ میڈیکل ٹیم نے معائنہ کیا تو معلوم ہوا کہ حلق میں ایک دھاتی چوپ اسٹک 8 سال سے پھنسی ہوئی تھی۔ خوش قسمتی سے چوپ اسٹک سے حلق یا دیگر اعضا کو کوئی نقصان نہیں پہنچا تھا۔

ڈاکٹرز نے سرجری کے ذریعے چوپ اسٹک منہ کے راستے نکال دی، جس کے بعد وانگ تیزی سے صحتیاب ہو رہا ہے۔

اس حیران کن واقعے نے سوشل میڈیا پر صارفین کو دنگ کر دیا اور وانگ کی کہانی دنیا بھر میں وائرل ہو گئی ہے۔