سلمان خان کی فلم ’سکندر‘ باکس آفس پر مایوس کن کارکردگی

سلمان خان کی فلم ’سکندر‘، جو عید کے موقع پر ریلیز ہوئی، باکس آفس پر خاصی مایوس کن کارکردگی دکھا رہی ہے۔ رپورٹس کے مطابق، فلم نے تین دنوں میں مجموعی طور پر 75 کروڑ بھارتی روپے کا بزنس کیا، جس میں پہلے دن 26 کروڑ، دوسرے دن 29 کروڑ، اور تیسرے دن 19 کروڑ 50 لاکھ روپے شامل ہیں۔ تیسرے دن کی کمائی میں بڑی کمی کی وجہ سے کئی سنیما گھروں نے اس کے شوز ختم کر دیے ہیں۔

مزید یہ کہ رپورٹس میں یہ بھی بتایا گیا ہے کہ سلمان خان کے کیرئیر میں پہلی بار ایسا ہوا ہے کہ ان کی فلم تیسرے دن ہی سنیما گھروں سے ہٹا دی گئی ہو۔ سنیما مالکان نے ’سکندر‘ کے بجائے ملیالم فلم ’ایل 2: امپوران‘ کے شوز رکھ لیے ہیں، جو باکس آفس پر 250 کروڑ روپے سے زیادہ کا بزنس کر چکی ہے۔