نجی بینک کے سابق سی ای او عاطف خان کے خلاف ایف آئی اے کی تحقیقات میں سنسنی خیز انکشافات سامنے آئے ہیں۔ چالان کے مطابق، ملزم نے اپنی اہلیہ سمیت پانچ دیگر افراد کو بھی بھاری رقوم منتقل کیں، جن کی مجموعی مالیت 3 کروڑ روپے سے زائد بنتی ہے۔
دستاویزات کے مطابق، عاطف خان نے کمپنی کے قوانین کی خلاف ورزی کرتے ہوئے فنڈز کا استعمال کیا اور شئیرز کی خرید و فروخت کے ذریعے 3 کروڑ 14 لاکھ روپے کا ناجائز منافع حاصل کیا۔
رپورٹ میں مزید بتایا گیا کہ دوران ملازمت، عاطف خان نے کمپنی کے پیسوں سے ایک ارب روپے سے زائد کی ذاتی ٹریڈنگ کی، لیکن ابھی تک 539 ملین روپے کی رقم واپس نہیں کی گئی۔
ایف آئی اے کا کہنا ہے کہ عاطف خان کے مبینہ مالی فراڈ کو چھپانے میں سابق سی ایف او فیصل شیخ اور امتیاز چنہ نے بھی کردار ادا کیا، جن کے خلاف مزید کارروائی کی جا رہی ہے۔