اداکارہ حرامانی نے اپنی خاص کھانے کی عادت کا ذکر کرتے ہوئے بتایا کہ وہ بریانی میں فروٹ چاٹ ملا کر کھاتی ہیں۔
انسٹاگرام پر ان کا ایک انٹرویو کی ویڈیو تیزی سے وائرل ہو رہی ہے، جس میں انہوں نے کھانے کے بارے میں اپنی دلچسپ عادات پر بات کی۔
حرامانی نے کہا کہ انہیں بریانی کے ساتھ زردہ اور فروٹ چاٹ ملانا پسند ہے۔ میزبان نے حیرت سے پوچھا کہ ایسا کون کرتا ہے؟ تو اداکارہ نے مسکراتے ہوئے جواب دیا کہ یہ تو ان کی خاص عادت ہے۔
انہوں نے مزید یہ بھی کہا کہ شاید ان کی میٹھے کھانے کی محبت ہی اس عادت کی وجہ ہے۔
سوشل میڈیا پر لوگوں نے ان کی اس عادت پر مختلف ردعمل دیے، کچھ نے حیرت کا اظہار کیا جبکہ کچھ نے اسے ان کی معصومیت قرار دیا۔