حال ہی میں دنیا کے مختلف کونے کونے میں مکمل چاند گرہن کا شاندار منظر دیکھا گیا، جسے کروڑوں لوگوں نے اپنی آنکھوں سے دیکھا۔ لیکن ایک خاص بات یہ ہے کہ چاند پر موجود ایک اسپیس کرافٹ نے اس واقعے کو ایک منفرد زاویے سے کیمرے میں قید کیا۔
امریکی کمپنی فائر فلائی ایرو اسپیس کا بلیو گھوسٹ لونر لینڈر نے چاند کی سطح سے سورج گرہن کی دلکش تصویر کھینچی۔ یہ اسپیس کرافٹ 2 مارچ کو چاند پر پہنچا اور 14 مارچ کو سورج، زمین اور چاند کی ایک قطار میں آنے پر یہ حیرت انگیز منظر کیمرے میں محفوظ کر لیا۔
کمپنی نے اپنے بیان میں کہا کہ یہ تصاویر لینڈر کے ایکس انٹینا کے ذریعے موصول ہوئیں، جو ڈیٹا اور تصاویر کو خلا میں بھیجنے کا کام کرتا ہے۔ یہ پہلا موقع ہے کہ کسی نجی کمپنی کے لینڈر نے چاند پر گرہن کے مناظر کو عکس بند کیا ہے۔
سورج گرہن کے دوران چاند پر مکمل تاریکی چھا گئی تھی اور درجہ حرارت منفی 100 ڈگری سینٹی گریڈ سے بھی کم ہو گیا تھا، جبکہ سورج کی روشنی نہ ہونے کی وجہ سے توانائی کی فراہمی بھی متاثر ہوئی۔ اس کے باوجود، یہ ڈیوائس مسلسل کام کرتی رہی اور گھنٹوں طویل گرہن کے دوران ڈیٹا بھیجنے میں کامیاب رہی۔