کراچی کی جوڈیشل مجسٹریٹ عدالت نے 54 کروڑ روپے کی خورد برد کے مقدمے میں بینک الفلاح سیکیورٹیز کے سابق سی ای او اور ماڈل نادیہ حسین کے شوہر عاطف محمد خان کے جسمانی ریمانڈ میں 5 دن کی توسیع کر دی۔
ایف آئی اے نے عاطف خان کو ریمانڈ مکمل ہونے پر عدالت میں پیش کیا اور مزید 11 روزہ جسمانی ریمانڈ کی درخواست کی، تاہم عدالت نے 5 دن کی توسیع دی۔
تفتیشی افسر کے مطابق فراڈ میں ملوث دیگر افراد کی گرفتاری ابھی باقی ہے۔ ایف آئی اے نے نادیہ حسین کے گھر پر بھی چھاپہ مارا اور مزید شواہد اکٹھے کیے۔