خوبروماڈل اور اداکارہ شازل شوکت نے عمرے کے ادائیگی کرلی۔
شازل شوکت کے سوشل میڈیا پر روحانی سفر کی جھلکیاں شیئر کی گئی ہیں،اس حوالے سے اداکارہ نے بتایا ہے کہ وہ اپنے خاندان کے ہمراہ عمرہ ادا کر رہی ہیں۔
شازل شوکت نے مکہ مکرمہ میں گزرے خوبصورت وقت کی چند تصاویر شیئر کرتے ہوئے عمرے کی ادائیگی پر خدا کا شکر ادا کیا ہے ،ان تصاویر اور ویڈیوز میں وہ پرسکون اور خوش نظر آرہی ہیں۔
اداکارہ کی پوسٹ پر ان کے چاہنے والوں نے انہیں عمرے کی مبارکباد دیتے ہوئے ان کے لیے نیک خواہشات کا اظہار کیا ہے۔
واضح رہے کہ حال ہی میں پاکستان شوبز انڈسٹری میں قدم رکھنے والی شازل شوکت متعدد ڈراموں میں اداکاری کے جوہر دکھا چکی ہیں، ان دنوں بھی ان کا ڈرامہ "وہ ضدی سی"نجی چینل سے نشر ہو رہا ہے،اداکارہ نے حال ہی میں ایک پروگرام میں اپنی منگنی کا اعلان بھی کیا ہے۔