راولپنڈی میں ڈینگی وائرس کے وار روکے نہیں جاسکے ہیں۔ 2 خواتین ڈینگی وائرس کا شکار ہوکر جاں بحق ہوگئیں۔
رخسانہ اور نسیم بیگم کی ہلاکت سے رواں سیزن ڈینگی کے ہاتھوں جاں بحق ہونے والوں کی تعداد 8 ہوگئی۔
راولپنڈی میں گزشتہ چوبیس گھنٹوں کے دوران ڈینگی میں مبتلا ہونے والوں کی تعداد میں 118 کا اضافہ ہوا۔ ڈینگی کے 200 سے زائد مریض اسپتالوں میں داخل کیے جاچکے ہیں۔
وزارتِ صحت کے اقدامات کے باوجود راولپنڈی اور دوسرے بہت سے علاقوں میں ڈینگی کے مریضوں کی تعداد بڑھتی جارہی ہے۔ رواں سیزن ڈینگی کے مریضوں کی تعداد 1476 ہوچکی ہے۔