پاکستانی شوبز انڈسٹری کے ہدایتکار، اداکار اور پروڈیوسر وجاہت رؤف نے پاکستانی اسکرینز پر بھارتی فلمیں دیکھنے کی خواہش کا اظہار کردیا۔
وجاہت رؤف نے سوشل میڈیا اکاؤنٹ انسٹاگرام پر ایک اسٹوری شیئر کی جس میں انہوں نے حال ہی میں ریلیز ہونے والی بالی وڈ فلم 'اسٹری 2' کی تعریفوں کے پل باندھے۔
وجاہت رؤف نے بتایا کہ انہوں نے فلم 'اسٹری 2' لندن میں دیکھی جس کیلئے سنیما گھر بھرا ہوا تھا۔
اسکرین گریب/ سوشل میڈیا
انہوں نے لکھا کہ فلم دیکھنے والوں نے ڈائیلاگ پر قہقہے لگائے۔
وجاہت رؤف نے فلم کے ہیرو راج کمار اور اداکارہ شردھا کپور سمیت کاسٹ میں شامل دیگر اداکاروں کی تعریف بھی کی۔
انہوں نے آخر میں لکھا کہ وہ بھارتی فلموں کو اپنی اسکرینز پر دیکھنا یاد کررہے ہیں۔