مونٹریال: مونٹریال پولی ٹیکنیک کے طلبہ کے ایک گروپ نے ایسٹیبن 11 کے نام سے اپنی مدد آپ سولر کار متعارف کرادی ہے جس نے امریکا میں دو مقابلے بھی جیت لیا ہے۔
سی ٹی وی نیوز کی رپورٹ کے مطابق پولی ٹیکنیک کی ٹیم نے فارمولا ون گراں پری اور مریکن سولر چیلنج جیت لیا ہے اور اس مقابلے میں انہوں نے دنیا کے مشہور اداروں ایم آئی ٹی اور جیورجیا ٹیک کے سرفہرست انجینئرنگ پروگرام کو مات دی ہے۔
سولر کار ڈھائی سال کی سخت محنت کا حاصل ہے جو طلبہ نے ڈیزائن کیا ہے۔
پولی ٹیکنیک کی طالبہ لوری جیلبرٹ ڈورئین نے کہا کہ بحیثیت ٹیم ہم نے ہفتے میں کم ازکم 100 گھنٹے کام کیا۔
ایسٹیبن 11 کار سوار کے لیے اتنی زیادہ آرام دہ نہیں لیکن مؤثر ہے، اس کی دو سیٹیں ہیں اور سولر پینل 5 مربع میٹر ہے، اس کی بیٹری 700 کلومیٹر تک چلتی ہے۔
ایک اور طالبہ میری روئیلارڈ نے بتایا کہ جیسے ہم اس کو چلاتے ہیں اسی طرح گاڑی چارج ہوتی ہے، اگر ہم 45 کلومیٹر فی گھنٹہ یا 50 کلومیٹر فی گھنٹہ رفتار سے جاتے ہیں تو ہمارے پاس سولر بجلی اچھی ہے اور ہم ڈرائیو کرسکتے ہیں۔
رپورٹ کے مطابق ایسٹیبن 11 پروٹوٹائپ ہے اور یہ گلیوں میں نہیں چلائی جاسکتی ہے لیکن طلبہ کا خیال ہے کہ سولر پاور سے چلنے والی کاروں کا مستقبل روشن ہے۔
جیلبرٹ ڈورئین نے کہا کہ اس کا فائدہ یہ ہے کہ سورج کی روشنی ہر وقت موجود ہوتی ہے، اس کے لیے آپ کو پیسے ادا نہیں کرنے پڑتے اور یہ ہرجگہ آپ کو دستیاب ہے۔
ان کا کہنا تھا کہ یہ معمول کی کار سے مختلف ہے، مثال کے طور پر اس کے پاور اسٹیئرنگ نہیں ہیں اور اسٹیئرنگ کا تمام زور آپ کے بازؤں پر ہوتا ہے۔
جیلبرٹ ڈورئین نے کہا کہ یہ ہم اپنے اسکول میں اس کا کریٹ نہیں لیتے بلکہ ان لوگوں کے لیے ہے جو مستقبل میں اس طرح کی تیار کرنے کار کا خواب دیکھ رہے ہیں۔
رپورٹ میں مزید بتایا گیا ہے کہ یہ پروجیکٹ طلبہ کو پولی ٹیکنیک کی طرف سے نہیں دیا گیا تھا اور نہ ہی انہیں اس کی ادائیگی کی جائے گی۔