بھارتی ریاست تمل ناڈو کے کانچی پورم ضلع میں ایک مذہبی تہوار کے لیے لگائے گئے ہورڈنگ میں سابق ایڈلٹ فلم اسٹار میا خلیفہ کی تصویر نے علاقے میں ہنگامہ برپا کردیا۔
یہ ہورڈنگ ’آدی‘ تہوار کے لیے لگایا گیا تھا، جس میں تمل ناڈو بھر کے مندروں میں دیوی اماں (پاروتی) کی پوجا کی جاتی ہے۔
اس کی تقریبات عام طور پر ہر گاؤں میں شاندار ہوتی ہیں، اس تہوار میں ہزاروں لوگ شرکت کرتے ہیں جو کئی دنوں تک جاری رہتا ہے۔
ان عظیم الشان ایونٹس کے ایک حصے کے طور پر کوروویملائی میں ناگتھمن اور سیلیامان مندروں میں ہورڈنگس لگائے گئے تھے۔
ان میں سے ایک ہورڈنگ اس وقت وائرل ہوا جب میا خلیفہ کی تصویر دیوتاؤں کی تصویروں کے ساتھ دکھائی دی۔
سابق بالغ فلم اسٹار کی تصویر کو ایڈٹ کیا گیا تھا تاکہ یہ نظر آئے کہ وہ ’پال کڈم‘ (دودھ کا برتن) اٹھائے ہوئے ہیں، جو تہوار میں روایتی چڑھاوے کا ایک حصہ ہے۔
ہورڈنگ لگانے کے ذمہ دار افراد نے اس بات کو یقینی بنایا کہ ان کی اپنی تصویر بھی ہورڈنگ میں ظاہر ہو۔ اس لیے انہوں نے ہورڈنگ پر اپنے نام آدھار کارڈ کی شکل میں لکھوائے ہیں۔
ہورڈنگ کی تصویر وائرل ہونے اور علاقے میں ہنگامے کے بعد پولیس نے موقع پر پہنچ کر اسے نیچے اتارا۔