بالی وڈ انڈسٹری کی معروف اداکارہ ریچا چڈھا اور اداکار علی فضل کے ہاں ننھے مہمان کی آمد ہوئی ہے۔
میڈیا رپورٹ کے مطابق ریچا چڈھا کے گھر بیٹی کی پیدائش ہوئی ہے جس کی خوشخبری انہوں نے انسٹاگرام پر دی۔
اداکارہ کی جانب سے بیٹی کی پیدائش کی خبر شیئر کرنے کے بعد ان چاہنے والوں کی طرف سے مبارکباد کا سلسلہ جاری ہے۔
اس سے قبل جوڑے نے حمل کی فوٹو شوٹ بھی کروائی تھی جسے انہوں نے انسٹاگرام پر شیئر کیا تھا۔
واضح رہے کہ اداکار علی فضل اور اداکارہ ریچا چڈھا سال 2020 میں شادی کے بندھن میں بندھے تھے۔ دونوں ایک ساتھ فلموں میں جلوہ گر ہوچکے ہیں۔