ممبئی: بگ باس او ٹی ٹی سیزن تھری میں شریک ارمان ملک نے ساتھی فنکار وشال پانڈے کو تھپڑ جڑ دیا۔
بھارتی میڈیا کے مطابق وشال پانڈے نے ارمان ملک کی دوسری بیوی کریتیکا ملک کے متعلق نازیبا الفاظ کہے تھے اور کریتیکا بھی شو میں شریک ہیں۔
ارمان ملک کی پہلی بیوی اور شو کی سابق شریک فنکار پائل ملک نے شو میں سرپرائز وزٹ کیا اور وشال کو کریتیکا کی عزت کرنے کا مشورہ دیا۔
پائل ملک کے جانے کے بعد ارمان اور وشال کے درمیان گفتگو ہوئی جو جھگڑے میں تبدیل ہوگئی اور ارمان نے وشال کو تھپڑ مار دیا۔
بگ باس کے دوران جسمانی تشدد کی اجازت نہیں ہے اور قانون کی خلاف ورزی پر ارمان کو شو سے نکالا جاسکتا ہے۔