لاہور کی مقامی عدالت نے کیپٹن ریٹائرڈ صفدر کو کار سرکار میں مداخلت اور اشتعال انگیز تقاریر کے دو مقدمات سے بری کر دیا
جوڈیشل مجسٹریٹ نے کیپٹن ریٹائرڈ صفدر کی بریت کی درخواستیں منظور کرنے کا فیصلہ سنایا۔
کیپٹن ریٹائرڈ صفدر نے اپنے وکیل فرہاد علی شاہ کے توسط سے بریت کی درخواستیں دائر کی تھیں۔
عدالت نے انکے وکیل کے دلائل مکمل ہونے پر فیصلہ محفوظ کیا تھا۔
یاد رہے کہ مریم نواز کی احتساب عدالت آمد کے موقع پر پولیس سے مبینہ جھگڑے پر کار سرکار میں مداخلت اور سیشن عدالت میں مبینہ اشتعال انگیز تقاریر پر مقدمات درج ہوئے تھے۔
دونوں مقدمات 2019 میں تھانہ اسلام پورہ میں درج کئے گئے تھے۔