چیٹ جی پی ٹی (ChatGPT) مصنوعی ذہانت کی بنیاد پر بنایا گیا ایک سادہ اور حیرت انگیز سافٹ ویئر ہے، جس نے آتے ہی پوری دنیا میں دھوم مچا دی ہے، اور لوگوں میں تیزی سے مقبول ہو رہا ہے۔
چیٹ جی پی ٹی (چیٹ جنریٹیو پری ٹرینڈ ٹرانسفارمر) ایک آرٹیفیشل انٹیلیجنس لینگوئج ماڈل ہے، جس کے کئی فائدے ہیں، جب اس چیٹ باٹ سے یہ سوال پوچھا گیا کہ اس کے کیا فائدے ہیں تو اس نے مندرجہ ذیل فائدے گنوائے:
1: لینگوئج پروسیسنگ
چیٹ جی پی ٹی کو اس طرح تربیت دی گئی ہے کہ یہ فطری زبان کو نہ صرف یہ کہ سمجھ لیتا ہے بلکہ اسے پروسیس یعنی اس پر کارروائی بھی کر لیتا ہے، یہی وجہ ہے کہ مختلف قسم کے سوالات اور موضوعات کو یہ بالکل انسانوں طرح سمجھ لیتا ہے اور انسانوں کے انداز میں جوابات دے دیتا ہے۔
2: دستیابی
چیٹ جی پی ٹی تک رسائی بہت آسان بنائی گئی ہے، یہ مختلف پلیٹ فارمز اور ڈیوائسز، جیسا کہ ویب سائٹس، چیٹ باٹس اور ورچوئل اسسٹنٹس کے ذریعے بہ آسانی دستیاب ہے، جس کی وجہ سے صارفین کے لیے اس کی مصنوعی ذہانت کی صلاحیت سے مستفید ہونا بہت آسان ہے۔
3: بہتر ہونے کی صلاحیت
چیٹ جی پی ٹی کو اس طرح ڈیزائن کیا گیا ہے کہ یہ نئی معلومات، نئے ڈیٹا سے مسلسل سیکھتا رہتا ہے، صرف یہی نہیں بلکہ یہ صارفین کے ساتھ گفتگو سے بھی سیکھنے کی صلاحیت کا حامل ہے، جس کی وجہ سے یہ وقت کے ساتھ ساتھ خود کو زیادہ مؤثر اور زیادہ درست بناتا رہتا ہے۔
4: کارکردگی
چیٹ جی پی ٹی کی ایک خصوصیت یہ ہے کہ یہ بڑی مقدار میں معلومات کو تیز رفتاری کے ساتھ پروسیس کر سکتا ہے، جس کی وجہ سے صارفین کو متعلقہ اور مددگار معلومات فوری طور پر فراہم ہو جاتی ہے۔
5: ذاتی نوعیت
آپ کو یہ جان کر حیرت ہوگی کہ چیٹ جی پی ٹی کو مخصوص موضوعات یا خاص ڈیٹا سیٹس پر ٹرین کیا جا سکتا ہے، جس کا فائدہ یہ ہے کہ صارف کی ترجیحات اور ضروریات کے عین مطابق یہ سافٹ ویئر انھیں مزید پرسنلائزڈ (یعنی ذاتی نوعیت کے) جوابات فراہم کرے گا۔
6: کاروباری فائدہ
چیٹ جی پی ٹی کی ایک اور خصوصیت بھی ہے جس سے ابھی عام لوگ واقف نہیں ہوئے ہیں، یہ خوبی ہے اس کی مشین لرننگ آرکٹیکچر۔ یعنی اسے اس طرح ڈیزائن کیا گیا ہے کہ یہ مشینوں کو بھی سمجھ لیتا ہے، جس کی وجہ سے اسے ضرورت کے مطابق چھوٹا بڑا کیا جا سکتا ہے، جس سے یہ ایپلی کیشنز اور صنعتوں کی وسیع رینج میں استعمال کے لیے موزوں ہے۔