نہیں چاہتا میری بیٹی اپنی ماں عالیہ جیسی بنے، رنبیر کپور

بالی ووڈ اداکار رنبیر کپور نے کہا ہے کہ میں نہیں چاہتا میری بیٹی راہا بڑی ہوکر میری بیوی عالیہ بھٹ جیسی بنے۔

رنبیر کپور جو اس وقت اپنی فلم ’’تو جھوٹی میں مکار‘‘ کی تشہیر میں مصروف ہیں ایک انٹرویو میں کہا کہ وہ چاہتے ہیں جب راہا بڑی ہو تو وہ عالیہ کی طرح خوبصورت نظر آئے لیکن مزاج میں اس کی جیسی نہ ہو بلکہ وہ میری شخصیت کو فالو کرے کیونکہ میں گھر پر ‘دو عالیہ’ نہیں سنبھال سکتا۔

رنبیر کپور کا کہنا تھا کہ عالیہ جیسی دوسری لڑکی کو سنبھالنا ان کے لیے ‘مشکل کام’ ہوگا کیونکہ وہ بہت زیادہ بولتی ہے لیکن میں امید کرتا ہوں کہ راہا میری طرح خاموش مزاج ہو تاکہ ہم دونوں ملکر عالیہ کو سنبھال سکیں۔

واضح رہے کہ رنبیر کپور اور عالیہ بھٹ اپریل 2022ء میں شادی کے بندھن میں بندھے تھے جس کے 6 ماہ بعد ہی انہوں نے اپنے ہاں ننھے مہمان کی آمد کا اعلان کردیا تھا۔

خیال رہے کہ رنبیر کپور کی نئی فلم ’’تو جھوٹی میں مکار‘‘ بدھ کو سنیما گھروں میں ریلیز کی گئی ہے جس میں رنبیر اور شردھا کی لوو اسٹوری کو فیملی کے جذبات اور کامیڈی کے تڑکے کے ساتھ دکھایا گیا ہے، اس فلم کو لو رنجن نے ڈائریکٹ کیا ہے جبکہ ڈمپل کپاڈیا اور نوبھاو سنگھ بھی فلم میں شامل ہیں۔