ٹوئٹر سے بھی پیسے کمائے جاسکیں گے، ایلون مسک

ٹوئٹر کے چیف ایگزیکٹیو افسر ایلون مسک نے کہا کہ مائیکرو بلاگنگ پلیٹ فارم ’اسپن اَپ سبسکرپشن‘ کر رہا ہے تاکہ صارفین خاص کنٹنٹ کے زریعے پیسے کما سکیں گے۔

ایلون مسک کا کہنا ہے کہ ہم سبسکرپشن چارجز کو بڑھا رہے ہیں، اس کے بدلے میں آپ لوگوں سے کچھ کنٹنٹ کے لیے فیس حاصل کرسکتے ہیں۔

جس کے بعد یہ امکان ظاہر کیا جارہا ہے کہ آنے والا فیچر صارفین کے لیے مائیکرو بلاگنگ پلیٹ فارم پر اپنے فالووَرز سے پیسے کمانے کا ایک شاندار موقع ہوگا۔

گزشتہ ہفتہ مائیکرو بلاگنگ پلیٹ فارم نے اعلان کیا تھا کہ وہ اب غیر ٹوئٹر بلو صارفین کو 20 مارچ کے بعد ٹو فیکٹر آتھنٹی کیشن میتھڈ کی شکل میں ٹیکسٹ میسجز کا استعمال کرنے کی اجازت نہیں دے گا۔

اس ماہ کے شروع میں ٹوئٹر نے تصدیق کی تھی کہ وہ ویب پر ویریفکیشن کے ساتھ اپنی بلوٹک سروس کے لیے ماہانہ چارج کرے گا، اس کے علاوہ یو ایس میں بلو سبسکرائبر 4000 حروف تک کے طویل ٹوئٹ کر سکتے ہیں۔