روینہ ٹنڈن کا انسٹاگرام پر لڑکیوں کو لڑکوں سے متعلق نصیحت کا پیغام

ممبئی: 90 کی دہائی کی مقبول بالی وڈ اداکارہ روینہ ٹنڈن کی دلچسپ ویڈیو کے سوشل میڈیا پر خوب چرچے ہو رہے ہیں۔

رونیہ ٹنڈن بھارتی فلم نگری میں ایک بڑا نام ہے جس نے اسکرین پر جلوہ گر ہو کر کئی فلموں کو سُپر ہٹ بنایا تاہم وہ کافی عرصے سے اسکرین پر نہیں ہیں۔

اداکارہ نے انسٹاگرام پر آج ایک ویڈیو پوسٹ کی جس میں وہ لڑکی کو لڑکوں سے متعلق نصیحت کر رہی ہیں۔

ویڈیو میں رونیہ ٹنڈن کہتی ہیں: ’اگر کوئی لڑکا آپ کو پسند کر رہا ہے تو اپنے آپ کو ہیروئن مت سمجھو کیونکہ یہ سب کو پسند کرتے ہیں۔ لڑکوں میں یہ بیماری ہوتی ہے۔‘

اداکارہ ویڈیو کے آخر میں بیزار ہوتے ہوئے کہتی ہیں: ’مذاق بنا کر رکھا ہے!‘ انہوں نے کیپشن میں لکھا: ’اب یہ تو حقیقت ہے بھئی۔‘

روینہ ٹنڈن کے مداح دلچسپ ویڈیو کو کافی پسند کر رہے ہیں اور لڑکوں سے متعلق اداکارہ کی بات پر تبصرے بھی جاری ہیں۔