لاہور: پاکستان شوبز کی ایک اور میگا بجٹ فلم ’ضرار‘ کا طویل انتظار کے بعد ریلیز کا اعلان کر دیا گیا۔
شان شاہد کی ہدایتکار ی میں بننے والی فلم ضرار کی ریلیز کا اعلان لاہور میں پریس کا نفرنس کے زریعے کیا گیا جہاں فلم میں مرکزی کردار ادا کرنے والے سُپر اسٹار شان نے بتایا کہ فلم 25 نومبر کوپاکستان سمیت دنیا کے کئی ممالک کے سنیما گھروں کی زینت بنے گی۔
ایکشن اور تھرلر سے بھرپور فلم میں شان ، کرن ملک ندیم بیگ اداکاری کے جوہر دکھانے نظر آئیں گے جبکہ اس فلم کی خاص بات یہ بھی ہے کہ شان خود اس فلم کے لکھاری بھی ہیں۔
یاد رہے کہ سال 2021 میں فلم کی ٹیم نے ’ضرار‘ کا ٹیزر جاری کرتے ہوئے اسے اسی سال ریلیز کرنے کا عندیہ بھی دیا تھا مگر کورونا کی وبا سمیت ملک میں سینما بند ہونے کی وجہ سے اسے ریلیز نہ کیا جا سکا تھا۔
فلم کا ٹریلر دیکھ کر معلوم ہوتا ہے کہ مرکزی کردار نبھانے والے شان کسی خفیہ مشن پر ملک میں جاری تشدد، کرپشن اور انتہاپسندی کی جنگ روکنے کی کوششوں میں مصروف ہیں۔
ٹریلر سے عندیہ ملتا ہے کہ فلم میں شان شاہد پاکستان میں انتہاپسندی اور بے یقینی پھیلانے والے ملک دشمن عناصر کے خاتمے کے لیے انتہائی حساس اور بڑے منصوبے پر کام کرتے دکھائی دیں گے۔