ونڈوز کمپیوٹر استعمال کرنے والے بڑے خطرے کی زد پر آ گئے ہیں، مائیکرو سافٹ نے سسٹم کو فوری طور پر اپ ڈیٹ کرنے کی ہدایت کر دی ہے۔
رپورٹس کے مطابق مائیکروسافٹ ڈیفنڈر میں ایک سیکیورٹی مسئلہ سامنے آیا ہے، جس کی وجہ سے آپریٹنگ سسٹم ونڈوز پر چلنے والے کمپیوٹرز کو فوری اپ ڈیٹ کرنے کی ہدایت کی گئی ہے۔
مائیکروسافٹ ڈیفنڈر وہ سافٹ ویئر ہے، جو کمپیوٹر کو وائرس، میلویئر اور دیگر خطرات سے محفوظ رکھتا ہے، لیکن حفاظتی اقدامات کو آگاہ کیے بغیر یہ ہیکرز کو آپ کے سسٹم تک رسائی کی اجازت دے دیتا ہے۔
یہ زیادہ تر ونڈوز پی سی پر پہلے سے انسٹال ہوتا ہے، اب صارفین کو ونڈوز ڈیفنڈر کے کریڈینشل گارڈ ٹول میں سیکیورٹی خدشات کا سامنا ہو رہا ہے، یعنی ہیکر آپ کے سسٹم میں موجود تمام ڈیٹا تک رسائی حاصل کر سکتا ہے۔
اس خطرے سے بچنے اور اپنے سسٹم کو محفوظ بنانے کے لیے چند اقدامات ضروری ہیں:
مائیکروسافٹ نے پہلے ہی اس مسئلے کے لیے ایک سافٹ ویئر فکس جاری کر دیا ہے، ونڈوز پی سی صارفین سے کہا گیا ہے کہ وہ ان نئے ورژن کے ساتھ اپنے پلیٹ فارم پر مسئلے کو حل کریں اور اپنے سسٹم کو ابھی اپ ڈیٹ کر دیں۔
ونڈوز ڈیفنڈر کے ساتھ یہ مسئلہ بڑے پیمانے پر نظر آتا رہا ہے کیوں کہ اس خامی سے متاثر ہونے والے ونڈوز ورژن کی ایک لمبی فہرست ہے۔ ونڈوز 10 کے زیادہ تر ورژن اس فہرست میں ہیں جب کہ ونڈوز 11 کے ورژن بھی اس میں شامل ہیں۔
آپ کے ونڈوز سرور 2022، 2019 اور 2016 ورژن ہوں، تو احتیاط برتی جائے کیوں کہ یہ ورژن بھی خطرات کی زد پر آ سکتے ہیں۔