لوک فنکار سائیں ظہور کے بیٹے نے اسپتال سے ہوٹل شفٹ کیے جانے کی تصدیق کردی
لندن میں میوزیکل کانسرٹ میں پرفارمنس کے دوران پاکستانی لوک فنکار سائیں ظہور طبیعت کی بگڑگئی اور وہ گر گئے ۔ کانسرٹ کی انتظامیہ نے انہیں مقامی اسپتال منتقل کیا۔ جہاں وہ ایک رات داخل ہونے کے بعد دوبارہ ہوٹل میں شفٹ ہوگئے ہیں ۔ سائیں ظہور کے صاحبزادے ریاست علی کا کہنا ہے کہ ان کے والد 12 اگست کو لاہور سے لندن روآنہ ہوئے تھے جہاں انہیں 3 کانسرٹس میں پرفارم کرنا تھا ۔ آخری پرفارمنس کے دوران وہ گر گئے ۔ جس کے بعد انہیں اسپتال میں منتقل کردیا گیا ۔ لوک گلوکار کے قریبی ذرائع کا کہنا ہے کہ وہ ذیابطیس اوربلڈ پریشر کے مریض ہیں ۔ دوا تاخیر سے لینے کے باعث انکی حالت بگڑی اور وہ گر گئے تاہم اب وہ صحت یاب ہوکر واپس آگئے ہیں