اسپائسی چکن سینڈوچ
اجزاء:
بون لیس چکن ۔۔۔۔۔۔۔۔۔۔۔۔۔۔۔۔ 500گرام
پیاز
سرکہ والی بڑی ہری مرچ ۔۔۔۔۔۔۔۔۔۔۔۔ چار عدد
بریڈ کے ٹکڑے ۔۔۔۔۔۔۔۔۔۔۔۔۔۔۔۔ آٹھ عدد
پسی لا ل مرچ ۔۔۔۔۔۔۔۔۔۔۔۔۔۔۔۔۔ ایک چائے کا چمچہ
لہسن کا پیسٹ ۔۔۔۔۔۔۔۔۔۔۔۔۔۔۔۔۔ ایک چائے کا چمچہ
نمک ۔۔۔۔۔۔۔۔۔۔۔۔۔۔۔۔۔۔۔۔ آدھا چائے کا چمچہ
کالی مرچ ۔۔۔۔۔۔۔۔۔۔۔۔۔۔۔۔۔۔ آدھا چائے کا چمچہ
تیل ۔۔۔۔۔۔۔۔۔۔۔۔۔۔۔۔۔۔۔۔۔ دو کھانے کے چمچے
ہرا دھنیا ۔۔۔۔۔۔۔۔۔۔۔۔۔۔۔۔۔۔۔ دو کھانے کے چمچے
سوس کے اجزائ:
مایو نیز ۔۔۔۔۔۔۔۔۔۔۔۔۔۔۔۔۔۔۔ آدھا کپ
سرکہ ۔۔۔۔۔۔۔۔۔۔۔۔۔۔۔۔۔۔۔ ایک کھانے کا چمچہ
ٹماٹو کیچپ ۔۔۔۔۔۔۔۔۔۔۔۔۔۔۔۔۔ دو کھانے کے چمچے
چلی سوس ۔۔۔۔۔۔۔۔۔۔۔۔۔۔۔۔۔۔۔ دو کھانے کے چمچے
ترکیب:
پہلے سوس بنانے کے لئے ایک پیالی میں آدھا کپ مایونیز ۔ایک کھانے کا چمچہ سرکہ ،دو کھانے کے چمچے ٹماٹو کیچپ اور دو کھانے کے چمچے چلی سوس ڈال کر اچھی طرح مکس کریں ۔اب 500 گرام بون لیس چکن کے چھوٹے چھوٹے ٹکڑے کر کے ان میں ایک چائے کا چمچہ پسی لال مرچ ،آدھا چائے کا چمچہ نمک ،آدھا چائے کا چمچہ کالی مرچ ،ایک چائے کاچمچہ لہسن کا پیسٹ اور دو کھانے کے چمچے تیل گرم کر کے اچھی طرح مکس کریں اور گول پین میں بیک کر لیں ۔بیک کرنے کے بعد انہیں پیالے میں نکال کر چار عدد سرکہ والی بڑی ہری مرچ ،ایک عدد پیاز اور دو کھانے کے چمچے ہرا دھنیا باریک کاٹ لیں ۔اب آٹ عدد بریڈ کے ٹکڑوں میں سے ایک پر تیار کی ہوئی سوس لگائیں اور چکن ڈال کر اوپر ڈبل روتی کا دوسرا ٹکڑا رکھ دیں ۔آخر میں اسے سینڈوچ میکر یا تَوے پر بیک کر لیں ۔مزیدار اسپائسی چکن سینڈوچ تیار ہے ۔