سپریم کورٹ آف پاکستان کی معزز جج جسٹس مسرت ہلالی کی سبکدوشی اور شاندار عدالتی خدمات کو خراجِ تحسین پیش کرنے کے لیے فل کورٹ ریفرنس منعقد کرنے کا فیصلہ کیا گیا ہے۔
سپریم کورٹ کے شعبہ اطلاعات و تعلقات عامہ کی جانب سے جاری کردہ باقاعدہ نوٹس کے مطابق، فل کورٹ ریفرنس 7 اگست کو صبح ساڑھے 10 بجے سپریم کورٹ کی عمارت کے کورٹ روم نمبر 1 میں منعقد ہوگا۔
اس وقار کے حامل فل کورٹ ریفرنس میں چیف جسٹس آف پاکستان، سپریم کورٹ کے تمام فاضل ججز، اٹارنی جنرل برائے پاکستان، پاکستان بار کونسل کے نمائندے، سپریم کورٹ بار ایسوسی ایشن کے عہدیداران اور قانونی برادری کی ممتاز شخصیات شرکت کریں گی۔ اس موقع پر جسٹس مسرت ہلالی کی تاریخی عدالتی، قانونی اور عوامی خدمات کو سراہتے ہوئے انہیں شاندار الفاظ میں خراجِ تحسین پیش کیا جائے گا۔