پرویز خٹک برطانیہ پہنچ گئے ٗ جلسوں کا شیڈول جاری

برمنگھم۔ وزیر اعلیٰ خیبر پختونخواہ پرویز خٹک نے کہا ہے کہ آئندہ الیکشن میں اتحاد کی باتیں جھوٹ پر مبنی ہے، تحریک انصاف کسی جماعت کے ساتھ اتحاد نہیں کرے گی، یہ حکومت اور یہ وزیر اعظم سب فراڈ ہے، ہمارا لیڈر عمران خان ہے۔ تفصیلات کے مطابق وزیر اعلی خیبر پختونخواہ پرویز خٹک تین روزہ دورے پر برطانیہ پہنچ گئے۔برمنگھم ایئرپورٹ پر میڈیا سے گفتگو میں پرویز خٹک نے کہا کہ یہ دورہ سیاسی ہے۔

پی ٹی آئی کی پانچ سالہ کار کردگی لوگوں کے سامنے رکھنے کے لیے آیا ہوں،ساتھ ہی انہوں نے بھی کہا کہ آئندہ الیکشن میں اتحاد کی باتیں جھوٹ پر مبنی ہے، تحریک انصاف کسی جماعت کے ساتھ اتحاد نہیں کرے گی۔پرویز خٹک نے حکمراں جماعت کو تنقید کا نشانہ بناتے ہوئے کہا کہ یہ حکومت اور یہ وزیر اعظم سب فراڈ ہے، ہمارا لیڈر عمران خان ہے اور ہماری پارٹی منشور کے ساتھ چلتی ہے۔وزیر اعلی کے پی کے پرویز خٹک اپنے دورے کے دوران آج برمنگھم، کل ساؤتھ لندن اور اتوار کو ما نچسٹر اور بریڈ فورڈ میں جلسوں سے خطاب کریں گے۔