وفاقی وزیر توانائی اویس لغاری نے اعلان کیا ہے کہ حکومت نے بجلی کی خرید و فروخت سے متعلق ایک نیا نظام رائج کر دیا ہے اور آج سے حکومت باضابطہ طور پر بجلی کی خرید و فروخت کے نظام سے عملی طور پر خود کو باہر کر رہی ہے۔ انہوں نے واضح کیا کہ اب بجلی پیدا کرنے والے اور استعمال کرنے والے خود آپس میں بجلی کی خرید و فروخت کریں گے اور کسی کو یہ حق حاصل نہیں ہوگا کہ وہ حکومت کو بجلی فروخت کرے یا حکومت اسے خریدے۔ اویس لغاری کا کہنا تھا کہ گزشتہ دو سال سے عوام کو سستی بجلی کی فراہمی کے لیے عملی اقدامات کیے گئے ہیں اور بجلی کے شعبے میں نمایاں اصلاحات لائی گئی ہیں کیونکہ عوام تک سستی بجلی کی فراہمی حکومت کی اولین ترجیح ہے، جبکہ انہوں نے یہ بھی اعتراف کیا کہ آئی پی پیز کا نام اب بدنام ہو چکا ہے۔ اس اہم معاشی و توانائی اصلاحاتی پیشرفت سے متعلق تمام تازہ ترین خبریں انٹرنیٹ اور ڈیجیٹل میڈیا پر انتہائی تیزی سے شیئر کی جا رہی ہیں۔
3