عالمی مارکیٹ میں تیل کی قیمتوں میں بڑی کمی

عالمی مارکیٹ میں برینٹ خام تیل کی قیمت میں 3 فیصد سے زائد کمی ہوئی، جبکہ امریکی خام تیل ویسٹ ٹیکساس انٹرمیڈیٹ کی قیمت میں بھی تقریباً 3 فیصد کمی ریکارڈ کی گئی۔

دوسری جانب مربان خام تیل کی قیمت میں بھی 2 فیصد کمی ہوئی، جس کے بعد اس کی قیمت 120 ڈالر فی بیرل کی سطح پر آگئی۔

خام تیل کی عالمی قیمتوں میں حالیہ اتار چڑھاؤ کے باعث سرمایہ کاروں کی توجہ عالمی توانائی کی طلب، سپلائی کی صورتحال اور خطے میں جاری جغرافیائی کشیدگی پر مرکوز ہے۔

عالمی مارکیٹ میں تیل کی قیمتوں میں کمی کا اثر توانائی کی عالمی منڈی پر پڑتا ہے، جبکہ پاکستان جیسے درآمدی تیل پر انحصار کرنے والے ممالک میں پٹرولیم مصنوعات کی قیمتیں بھی عالمی قیمتوں میں تبدیلی سے متاثر ہوسکتی ہیں۔

برینٹ اور ڈبلیو ٹی آئی کی قیمتوں میں حالیہ کمی کے بعد آئندہ دنوں میں عالمی منڈی میں خام تیل کی قیمتوں کے رجحان پر نظر رکھی جا رہی ہے۔