روس نے عالمی توانائی مارکیٹ میں بڑا قدم اٹھاتے ہوئے یکم اپریل 2026 سے پیٹرول کی برآمدات پر مکمل پابندی عائد کرنے کا باضابطہ اعلان کر دیا ہے۔ یہ پابندی ابتدائی طور پر 31 جولائی 2026 تک نافذ رہے گی۔
روسی نائب وزیر اعظم Alexander Novak کے مطابق یہ فیصلہ مقامی مارکیٹ میں ایندھن کی قیمتوں کو مستحکم رکھنے اور عوام کو سستا پیٹرول فراہم کرنے کے لیے کیا گیا ہے۔
حکام کا کہنا ہے کہ کھیتی باڑی کے سیزن اور ریفائنریوں کی مرمت کے دوران ملک میں پیٹرول کی طلب بڑھ جاتی ہے، جس کے باعث برآمدات پر پابندی ضروری ہو گئی ہے تاکہ سپلائی میں کسی قسم کی کمی نہ آئے۔
ماہرین کے مطابق دنیا کے بڑے تیل پیدا کرنے والے ممالک میں شامل Russia کے اس اقدام سے عالمی مارکیٹ میں پیٹرول کی قیمتوں میں اضافے کا خدشہ پیدا ہو گیا ہے، جس کے اثرات ترقی پذیر ممالک سمیت پوری دنیا پر پڑ سکتے ہیں۔