عالمی اور مقامی سطح پر سونے کی قیمت میں تاریخ کی تیسری بڑی کمی دیکھنے میں آئی ہے۔
آل پاکستان جیمز اینڈ جیولرز صرافہ ایسوسی ایشن کے مطابق 24 کیرٹ فی تولہ سونا 9,100 روپے کی کمی کے بعد 430,662 روپے پر آ گیا۔ اسی طرح 10 گرام سونے کی قیمت 7,799 روپے کم ہو کر 369,223 روپے ہو گئی۔
چاندی کی قیمت میں بھی کمی دیکھنے میں آئی ہے، جہاں فی تولہ چاندی 209 روپے گھٹ کر 5,313 روپے ہو گئی۔
عالمی مارکیٹ میں بھی سونے کے نرخوں میں کمی ہوئی ہے، فی اونس سونا 91 ڈالر سستا ہو کر 4,083 ڈالر پر پہنچ گیا ہے۔
یہ کمی سرمایہ کاروں اور صرافہ مارکیٹ کے لیے اہم خبر ہے، جس کے اثرات مقامی مارکیٹ اور صارفین پر بھی مرتب ہو سکتے ہیں۔