امریکا نے اقوام متحدہ کی سلامتی کونسل سے مطالبہ کیا ہے کہ غزہ میں دو سال کے لیے بین الاقوامی سکیورٹی فورس تعینات کی جائے تاکہ جنگ سے متاثرہ علاقے میں امن و استحکام قائم کیا جا سکے۔
امریکی نمائندے کے مطابق فورس کا مقصد انسانی امداد کی فراہمی، شہریوں کے تحفظ اور تعمیرِ نو کے عمل کو یقینی بنانا ہوگا۔ تجویز کے مطابق یہ فورس غیر جانب دار ممالک کے اہلکاروں پر مشتمل ہوگی اور اقوام متحدہ کی نگرانی میں کام کرے گی۔
دوسری جانب کچھ ممالک نے اس تجویز پر محتاط ردعمل دیا ہے اور کہا ہے کہ غزہ میں کسی بھی بین الاقوامی فورس کی تعیناتی وہاں کے سیاسی حالات کو مزید پیچیدہ بنا سکتی ہے۔
سلامتی کونسل میں اس منصوبے پر جلد بحث متوقع ہے۔