کراچی: عالمی سطح پر جاری ٹیرف کی کشمکش کی وجہ سے سونے کی قیمتیں ایک نئی تاریخی سطح پر پہنچ گئی ہیں۔
ملک میں فی تولہ سونا 7800 روپے کے اضافے کے ساتھ 3 لاکھ 28 ہزار 800 روپے تک جا پہنچا ہے، جبکہ 10 گرام سونا 6688 روپے بڑھ کر 2 لاکھ 81 ہزار 893 روپے کا ہو گیا ہے۔
عالمی مارکیٹ میں بھی سونے کی قیمت 78 ڈالر کے اضافے کے ساتھ 3118 ڈالر فی اونس تک پہنچ گئی ہے۔
ماہرین کا کہنا ہے کہ امریکا اور چین کے درمیان بڑھتی ہوئی اقتصادی جنگ نے سرمایہ محفوظ کرنے کی خواہش کو بڑھا دیا ہے، جس کی وجہ سے سونے کی خریداری میں نمایاں اضافہ ہوا ہے۔