آئی سی سی کی ون ڈے رینکنگ: بابر دوسرے نمبر پر، رضوان کی پوزیشن میں بہتری

انٹرنیشنل کرکٹ کونسل (آئی سی سی) نے اپنی تازہ ترین ون ڈے پلیئرز کی رینکنگ جاری کر دی ہے۔ بھارتی کھلاڑی شبمن گل نے بیٹرز کی فہرست میں اپنی پہلی پوزیشن برقرار رکھی ہے، جب کہ پاکستان کے بابر اعظم دوسرے نمبر پر ہیں۔

بیٹرز کی رینکنگ

• شبمن گل (بھارت) - 1st

• بابر اعظم (پاکستان) - 2nd

• روہت شرما (بھارت) - 3rd

• ہینرچ کلاسن (جنوبی افریقہ) - 4th

• ویرات کوہلی (بھارت) - 5th

محمد رضوان کی کارکردگی میں دو درجے کی بہتری آئی ہے اور وہ اب 21ویں نمبر پر ہیں۔ فخر زمان کو دو درجے کی تنزلی کا سامنا کرنا پڑا ہے اور وہ 23ویں نمبر پر چلے گئے ہیں۔

بولرز کی رینکنگ
سری لنکا کے مہیش تھیکشانا نے پہلے نمبر پر اپنی پوزیشن برقرار رکھی ہے، اور بھارت کے کلدیپ یادیو کی دوسری پوزیشن بھی مستحکم ہے۔ افغانستان کے راشد خان نے پانچویں نمبر پر ایک درجے کی بہتری کی ہے، جب کہ نیوزی لینڈ کے مچل سینٹنر دو درجے تنزلی کے بعد چھٹے نمبر پر ہیں۔

پاکستان کے شاہین آفریدی اور حارث رؤف دونوں بولرز کو تنزلی کا سامنا رہا ہے۔ شاہین آفریدی 12ویں نمبر پر ہیں، جبکہ حارث رؤف 24ویں نمبر پر آگئے ہیں۔

آل راؤنڈرز کی رینکنگ
افغانستان کے عظمت اللہ عمر زئی نے اپنی پہلی پوزیشن برقرار رکھی ہے۔