لاہور: پاکستان کرکٹ بورڈ کے میڈیکل پینل نے قومی ٹیم کے اوپنر صائم ایوب کو مکمل فٹ قرار دے دیا ہے۔ نوجوان بلے باز حالیہ دنوں میں ٹخنے کی انجری کا شکار ہو کر قومی ٹیم سے باہر ہو گئے تھے، تاہم لندن میں کامیاب ری ہیب کے بعد وہ مکمل صحتیاب ہو گئے۔
صائم ایوب آج وکٹ کیپر بیٹر محمد حارث کے ساتھ پاکستان سپر لیگ فرنچائز پشاور زلمی کو جوائن کریں گے۔ زلمی کے بیشتر کھلاڑی پہلے ہی ٹیم منیجمنٹ کو رپورٹ کر چکے ہیں جبکہ اسلام آباد کلب میں پہلا پریکٹس سیشن متوقع ہے۔
ذرائع کے مطابق کپتان بابر اعظم نیوزی لینڈ سے واپسی پر ٹیم کو جوائن کریں گے۔ پاکستان سپر لیگ سیزن 10 کے میچز 11 اپریل سے 18 مئی تک کراچی، لاہور، ملتان اور راولپنڈی میں کھیلے جائیں گے۔