لاہور قلندرز نے پی ایس ایل 10 کے لیے اپنی نئی جرسی متعارف کرائی ہے، جس میں روایتی رنگوں کا خاص خیال رکھا گیا ہے۔ ٹیم نے ہوم اور اوے میچز کے لیے مختلف جرسیز بھی پیش کی ہیں۔
سوشل میڈیا پر جاری کردہ ایک ویڈیو میں کپتان شاہین شاہ آفریدی، سکندر رضا، فخر زمان، آصف علی اور دیگر کھلاڑیوں کو نئی کِٹ میں دیکھا جا سکتا ہے۔ اتوار کو لاہور کے گریٹر اقبال پارک میں ایک شاندار تقریب میں لاہور قلندرز کا آفیشل ترانہ بھی لانچ کیا گیا اور کپتان کی سالگرہ کا کیک بھی کاٹا گیا۔
اس تقریب میں گلوکاروں نے اپنی پرفارمنس پیش کی اور لیزر شو کے ذریعے شہریوں کو محظوظ کیا گیا۔ پی ایس ایل 10 کا پہلا میچ 11 اپریل کو اسلام آباد یونائیٹڈ اور لاہور قلندرز کے درمیان کھیلا جائے گا۔