پاکستان کرکٹ بورڈ (پی سی بی) نے اعلان کیا ہے کہ پاکستان سپر لیگ (پی ایس ایل) 2025 کے 10ویں ایڈیشن کے میچز کے ٹکٹوں کی فروخت کل سے شروع ہو جائے گی۔ آن لائن ٹکٹیں سہ پہر 3 بجے دستیاب ہوں گی، جبکہ فزیکل ٹکٹوں کی فروخت 7 اپریل سے نجی کوریئر سینٹرز پر ہوگی۔
آن لائن بک کیے گئے ٹکٹ مخصوص کوریئر سینٹرز سے حاصل کیے جا سکیں گے۔ پی ایس ایل کے میچز راولپنڈی، کراچی، لاہور اور ملتان میں کھیلے جائیں گے، جبکہ فائنل 18 مئی کو قذافی اسٹیڈیم، لاہور میں ہوگا۔
پی سی بی کے مطابق عام انکلوژر کے لیے ٹکٹ 650 روپے میں دستیاب ہوگا، جبکہ افتتاحی میچ (اسلام آباد یونائیٹڈ بمقابلہ لاہور قلندرز) کے ٹکٹ 1000 روپے سے 8500 روپے تک میں فروخت کیے جائیں گے۔