نیوزی لینڈ نے ٹی ٹوئنٹی سیریز کے آخری میچ میں پاکستان کو 8 وکٹوں سے شکست دے کر سیریز کا اختتام کیا۔ پہلے بیٹنگ کرتے ہوئے پاکستانی ٹیم نے 9 وکٹوں کے نقصان پر 128 رنز بنائے، جسے نیوزی لینڈ کے بلے بازوں نے صرف 10 اوورز میں پورا کر لیا۔
پاکستانی اوپنرز ویلنگٹن ریجنل اسٹیڈیم میں ہونے والے میچ میں ناکام رہے، جہاں حسن نواز صفر پر آؤٹ ہوئے اور محمد حارث نے 11 رنز بنائے۔ عمیر بن یوسف اور عثمان خان نے 7،7 رنز بنائے، عبدالصمد نے 4 رنز کا اضافہ کیا، جبکہ شاداب خان نے 28 رنز کی مدد فراہم کی۔ سلمان علی آغا نے شاندار کھیل کا مظاہرہ کرتے ہوئے 51 رنز بنائے۔ صفیان مقیم اور محمد علی بغیر کوئی رن بنائے واپس لوٹ گئے، جبکہ حارث رؤف 6 رنز کے ساتھ ناٹ آؤٹ رہے۔
نیوزی لینڈ کی بولنگ میں جمی نیشم نے 5 وکٹیں حاصل کیں، جبکہ جیکب ڈفی نے 2 وکٹیں لیں اور ایش سوڈھی اور بین سیرز نے ایک ایک وکٹ حاصل کی۔ اوپنر ٹم سیفرٹ نے 97 رنز کے ساتھ ناقابل شکست رہتے ہوئے فن ایلن کے 27 رنز کا ساتھ دیا۔