پاکستان سٹاک ایکسچینج میں کاروبار کے آغاز پر زبردست تیزی کا رجحان رہا۔ انٹر بینک میں امریکی ڈالر 15 پیسے مہنگا ہو گیا۔ کاروباری ہفتے کے آخری روز اسٹاک مارکیٹ میں کاروبار کا مثبت آغاز ہوا، 100 انڈیکس 600 سے زائد پوائنٹس کے اضافے کے ساتھ 1 لاکھ 15 ہزار 730 پوائنٹس کی سطح پر پہنچ گیا۔ گزشتہ کاروباری دن کے اختتام پر انڈیکس 1009 پوائنٹس کے اضافے کے ساتھ 1 لاکھ 15 ہزار 94 پوائنٹس کی سطح پر بند ہوا تھا۔ مثبت کاروبار کے باعث سرمایہ کاروں کو اربوں روپے کا فائدہ ہوا۔ انٹر بینک میں ڈالر 15 پیسے مہنگا ہونے کے بعد 280 روپے 20 پیسے کا ہو گیا۔
6