کراچی: اسٹیٹ بینک آف پاکستان نے آئندہ دو ماہ کے لیے شرح سود 12 فیصد پر برقرار رکھنے کا اعلان کیا ہے۔ مرکزی بینک کے مطابق فروری 2025 میں مہنگائی میں کمی دیکھنے کو ملی، جس کی بڑی وجہ غذائی اجناس اور توانائی کی قیمتوں میں کمی رہی۔
معاشی سرگرمیاں بڑھنے اور درآمدات میں اضافے کے پیش نظر موجودہ شرح سود کو مثبت قرار دیا گیا ہے۔ اسٹیٹ بینک کا کہنا ہے کہ مالی سال 2025 میں جی ڈی پی کی نمو 2.5 تا 3.5 فیصد رہنے کا امکان ہے اور جون تک زرمبادلہ ذخائر 13 ارب ڈالر سے زیادہ ہونے کی توقع ہے۔
اسٹیٹ بینک نے خبردار کیا کہ غذا اور توانائی کی قیمتوں میں اضافہ مہنگائی کو بڑھا سکتا ہے، تاہم توقع ہے کہ مہنگائی کی شرح بتدریج کم ہو کر 5 سے 7 فیصد کے درمیان مستحکم ہو جائے گی۔