آئی سی سی چیمپئنز ٹرافی کا دوسرا سیمی فائنل کل لاہور کے قذافی اسٹیڈیم میں جنوبی افریقا اور نیوزی لینڈ کے درمیان کھیلا جائے گا، جس میں بھارتی کرکٹ بورڈ کا وفد بھی شرکت کرے گا۔
ذرائع کے مطابق بی سی سی آئی وفد واہگہ بارڈر کے راستے لاہور پہنچے گا اور شہر میں دو دن قیام کرے گا۔ وفد کی قیادت بھارتی کرکٹ بورڈ کے نائب صدر راجیو شکلا کریں گے۔
خیال رہے کہ چیمپئنز ٹرافی کا پہلا سیمی فائنل آج بھارت اور آسٹریلیا کے درمیان دبئی میں ہو رہا ہے۔