جنوبی افریقہ کی کرکٹ ٹیم کو ایک بڑا دھچکا لگا ہے کیونکہ فاسٹ باؤلر اینرک نوکیے بائیں پیر میں فریکچر کے باعث پاکستان کے خلاف ٹی ٹوئنٹی سیریز سے باہر ہو گئے ہیں۔
کرک انفو کی رپورٹ کے مطابق، پاکستان کے خلاف پہلے میچ میں نوکیے کو پیر کی چوٹ کی وجہ سے آرام دیا گیا تھا، اور بعد میں اسکین میں فریکچر کی تصدیق ہوئی۔
جنوبی افریقا نے پاکستان کے خلاف ون ڈے سیریز کے لیے اپنے اسکواڈ کا اعلان بھی کر دیا ہے۔
ویب سائٹ کے مطابق، نوکیے اپنی ریکوری کے لیے معالج سے مشورہ کریں گے تاکہ ریکوری کے دوران وقت کا تعین کیا جا سکے۔ نوکیے کی جگہ پر ان کیپڈ سیمر ڈایان گیلیم کو جنوبی افریقہ کے اسکواڈ میں شامل کر لیا گیا ہے تاکہ وہ باقی دو میچز میں شرکت کریں۔