انٹرنیشنل کرکٹ کونسل (آئی سی سی) نے ٹیسٹ پلیئرز کی نئی رینکنگ جاری کر دی ہے۔
آئی سی سی کی ٹیسٹ رینکنگ میں انگلینڈ کے جو روٹ کی نمبر ون پوزیشن ختم ہو گئی، اور اب انگلینڈ کے ہیری بروک دنیا کے نمبر ون ٹیسٹ بیٹر بن گئے ہیں۔ جو روٹ دوسرے نمبر پر ہیں، جبکہ نیوزی لینڈ کے کین ولیم سن تیسرے نمبر پر ہیں۔
آسٹریلیا کے ٹریوس ہیڈ 6 درجے ترقی کے بعد پانچویں نمبر پر پہنچ گئے، جبکہ پاکستان کے سعود شکیل ٹاپ 10 میں شامل ہو گئے ہیں۔ بابر اعظم 19ویں سے 18ویں نمبر پر آ گئے ہیں۔
ٹیسٹ بولرز کی رینکنگ میں بھارت کے جسپریت بمرا کی پہلی اور جنوبی افریقا کے کیگسو رباڈا کی دوسری پوزیشن ہے۔ آسٹریلیا کے جوش ہیزل ووڈ تیسرے نمبر پر ہیں۔
ٹی ٹوئنٹی رینکنگ میں ٹریوس ہیڈ بیٹنگ اور انگلینڈ کے عادل رشید بولنگ میں پہلے نمبر پر ہیں۔ ون ڈے بیٹرز کی رینکنگ میں بابر اعظم بدستور پہلے نمبر پر ہیں، جبکہ راشد خان بولنگ میں پہلے نمبر پر ہیں۔