سری نگر: مقبوضہ كشمیر میں بھارتی فوجی نے ریاستی دہشت گردی كی تازہ كارروائی كے دوران ضلع پونچھ میں دو كشمیری نوجوانوں کو شہید كر دیا۔
قابض فوج نے ان نوجوانوں كو پونچھ كے علاقے بالاكوٹ میں ایک پر تشددآپریشن كے دوران شہید كیا جب کہ اس دوران کئی گھنٹوں تک قابض فوج نے علاقے کو گھیرے میں لیے رکھا۔
دوسری جانب ضلع بارہ مولا میں بھارتی فوج نے سرچ آپریشن کے نام پر چادر اور چار دیواری کے تقدس کو پامال کیا تو اہلِ علاقہ مشتعل ہوکر باہر نکل آئے اور پلہالن علاقے میں بردست احتجاجی مظاہرے کیے۔
مظاہرین کو منتشر کرنے کے لیے آنسوگیس کی شیلنگ اور ہوائی فائرنگ کی تو جھڑپیں شروع ہوگئیں،مشتعل مظاہرین نے بھارتی فوج پر پتھراؤ کیا،كٹھ پتلی انتظامیہ نے ضلع میں موبائل انٹرنیٹ سروس معطل كر دی ہے جب كہ پلہالن كے تمام داخلی اور خارجی راستے سیل كر دیے گئے۔